Американските регулатори за безбедност на возилата денеска објавија дека отвориле официјална безбедносна истрага за автопилот системот за „Тесла“ за поддршка на возачите по серијата сообраќајни несреќи во кои учествуваа и амбулантни возила.
Националната управа за безбедност во сообраќајот на патиштата (NHTSA) објави дека од јануари 2018 година, идентификувала 11 несреќи во кои моделите на „Тесла“ биле одговорни за несреќи во кои учествувале едно или повеќе други возила, пренесе Ројтерс.
Тие додаваат дека во тие сообраќајни несреќи се повредени 17 лица, а едно загинало. Според NHTSA, четири од овие несреќи се случиле оваа година, од кои последната се случила минатиот месец во Сан Диего, по што почнала прелиминарна проценка на автопилотот во моделите Y, X, S и 3 произведени во периодот 2014- 2021 година.
Истрагата опфаќа околу 765.000 возила „Тесла“ во САД, според NHTSA.
Се додава дека истрагата ќе се фокусира на „проценка на технологијата и методите што се користат за следење, помагање и вклучување на возачот во динамичниот процес на возење за време на работата на автопилотот“.
Автопилотот, кој изведува некои дејствија наместо возачот, овозможувајќи им да ги држат рацете подалеку од воланот, билвклучен во најмалку три возила „Тесла“, кои учествуваа во фатални сообраќајни несреќи во САД од 2016 година, соопшти Националната служба за безбедност во сообраќајот (NTSB).
Тие го критикуваат недостатокот на системска заштита во автопилотот на „Тесла“.
Американскиот производител на електрични возила не одговори веднаш на барањето на Ројтерс за коментар.
NHTSA во јуни објави дека им наложил на тимовите да истражат 30 сообраќајни несреќи во кои учествувале автомобили „Тесла“ од 2016 година, во кои имало 10 жртви, под сомнение дека го користеле напредниот систем за помош на возачот.