Турскиот премиер Ахмет Давутоглу изјави дека неговата земја ќе ги држи отворени сите канали за комуникација со Русија, но ја критикуваше одлуката на Москва за санкции против Турција. Според експертите тоа значи дека побараната средба од Анкара на рускиот претседател Владимир Путин со турскиот лидер Реџеп Таип Ердоган на климатскиот форум во Париз најверојатно нема да се одржи, пишува “Газета”.
Рускиот увоз од Турција, кој според Путин им се “удри во грбот”, ќе биде сведен на нула, пишува “Московски комсомолец” за очекувата листа со антитурски санкции. Во саботата Путин потпиша декрет за специјални економски мерки против Анкара, откако турскиот борбен авион беше соборен над сириска територија. Загинаа двајца руски воени – еден од двајцата пилоти во соборениот авион и маринец, кој учествувал во операцијата за потрагата по нив.
Увозот на турски стоки во Русија – на пример овошје и зеленчук “, започна да опаѓа многу пред влошувањето на односите”, забележува “Московски комсомолец”. Весникот наведува земји, кои според него би можеле да бидат замена за турскиот увоз во Русија, и тврди дека “незаменливи нема”.
Но “преобликување на логистиката и побарувачката на нови добавувачи од малопродажните синџири ќе предизвикаат дополнителни трошоци, следствено и поскапување”, предвидува тој. Санкциите удираат и на двете страни, изјави за “Независимаја газета” политикологот Алексеј Фененко. Ова “тотално, целосно кршење на сите мостови за обновување на соработката нема да биде од корист”, предупредува тој.
“Заборавате две работи: прво, Турција беше единствената членка на НАТО која не воведе санкции против нас минатата година, и тоа никако не беше малку. Второ, загуби ќе има и за нас, на пример во лесната индустрија и туризмот “, вели рускиот аналитичар.”
неочекуваниот финансиски “подарок” од ЕУ “за Турција – 3 милијарди долари за да ги засолнат таму бегалците, доста ги крева шансите за приближување меѓу Турција и ЕУ, која може сега да стане главен трговски партнер на Анкара, смета весникот.
“Сите разбираат дека не е реално Турција да влезе во ЕУ, но не го исклучувам инаетот на Европа кон Русија да го укине визниот режим (со Анкара), за да покаже дека има со што да го засили својот пријател. Се плашам дека Турција ќе помине на страната на Лондон и Вашингтон и ќе почне да ни прави пречки на Босфорот.
Лондон одамна ја чекаше оваа кавга. Конфликтот со Турција е профитабилен за САД и Велика Британија. Во овие земји пет години имаше вистински страв од приближувањето меѓу Русија и Турција. Британските медиуми пишуваа дека Москва премногу се спријателила со Анкара. “, додава експертот.
Според градежниот министер Михаил Мене турските компании може да се повлечат од рускиот градежен пазар, особено од “реализацијата на големи проекти во земјата”. “Довербата кон нив како партнери е поткопана”, вели тој. “Комерсант” претскажува дека Москва ќе ја зајакне контролата врз турските превозници по море и копно, и “уште цврсто влијание на мерките врз туризмот”. Одделно ќе се одлучи најверојатно судбината на авиокомпанијата “Туркиш ерлајнс”, која спроведува голем број летови до Русија, додава весникот. Според податоците од владини извори руските вицепремиери ќе разговараат денеска за предлози за антитурски санкции. Владата има уште неколку дена за да конкретизира колку ќе е тврда руската политика кон Турција, пишува “Комерсант”. Руско-турските односи никогаш не биле толку добри како во последните децении. Многу жално што провокативна постапка на турските власти доведе до замрзнување, забележува “Известија”. “Русија сепак не го сакаше тоа. Како што велат на запад, топката е во турската област. Ако побара Турција помирување, вратата е секогаш отворена”, нагласува весникот .