Анџелина Џоли го одгледа своето семејство во Лос Анџелес, но таа е подготвена за промена на средината. Сепак, холивудската актерка тврди дека не може да го напушти сончевиот град во Јужна Калифорнија додека не се реши нејзиниот тековен развод со поранешниот сопруг Бред Пит.
49-годишната холивудска божица даде редок поглед на нејзината правна битка со нејзиниот поранешен сопруг.
– Штом моите деца ќе наполнат 18 години, ќе можам да заминам – изјавила Анџелина за „The Hollywood Reporter“.
Актерката поднесе барање за развод во 2016 година, а тие беа прогласени за „невенчани“ во 2019 година. Сепак, разводот допрва треба да биде финализиран, бидејќи тие се уште не ги решиле прашањата за старателството над малолетните деца, близнаците Вивиен и Нокс, кои имаат 16 години. Бред и Анџелина се караат и за нивните заеднички средства, вклучувајќи ја и нивната француска винарија „Шато Миравал“.
Покрај Вивиен и Нокс, Анџелина и Бред имаат возрасни деца Медокс, Пакс, Захара и Шајло.
– Кога имате големо семејство, сакате тие да имаат приватност, мир, безбедност. Сега имам куќа за да ги одгледувам моите деца, но понекогаш ова место може да биде… па, хуманоста што ја најдов низ светот не е она со што пораснав овде – забележа Анџелина во едно интервју.
Поради посветеноста на хуманитарната работа, актерката „откри дека ќе поминува многу време во Камбоџа“ по финализирањето на разводот.
– Ќе поминувам време во посета на членовите на моето семејство каде и да се во светот – објасни таа.
Нејзините постари деца веќе ги раширија крилјата во изминатите неколку години. Пакс (20) и Медокс (23) се најдоа во филмската индустрија, што ги наведе да работат на филмот на нивната мајка „Марија“, чија премиера беше деновиве во Венеција. А Захара (19) се пресели во Атланта есента 2022 година за да присуствува на колеџот Спелман, кога се откажа од презимето на нејзиниот татко, Пит.
Шајло наполни 18 години во мај и го прослави своето полнолетство со отфрлање на презимето на нејзиниот татко, а од 19 август и беше одобрено барањето да се вика „Шајло Нувел Џоли“. Дури и малолетната Вивиен, која има голема страст за театарот, работејќи како волонтерска асистентка на нејзината мајка на копродукцијата на мјузиклот „The Outsiders“, го исклучила презимето Пит од нејзиното име на плакатот.
Меѓутоа, кога Пакс доживеа тешка сообраќајна несреќа во јули, откако со својот е-велосипед удри во автомобил, Анџелина го обвини за несреќата Бред дека не е добар пример, но тој исто така одговори дека тоа е апсолутно апсурдно.
– Таа е таа што е таму од ден на ден, тешко дека тој е наоколу затоа што целосно го исклучила и ги отру децата против него – изјавил тогаш инсајдерот: – Посакувам да беше тука за Пакс и сите деца повеќе, но таа успеа да ги сврти против него толку многу што тој практично е надвор од сликата, па одеднаш обидот да го направи жртвено јагне кога нешто ќе тргне наопаку, е сосема неправедно.