Синоќа, неколку секунди пред да го почувствуваат земјотресот, голем број граѓани на Босна и Херцеговина добиле известување од системот за предупредување на Андроид дека е можен земјотрес и упатства што да се прави во таа ситуација, пренесе Klix.ba.
Синоќа неколку земјотреси ја погодија Босна и Херцеговина, а најлоша е состојбата во Столац каде е забележана јачина од 5,6 степени според Рихтеровата скала.
Андроид го лансираше овој систем за предупредување за земјотреси пред неколку години, а вакво известување досега не е забележано во регионов.
Во секој случај, слободно може да се каже дека функционира, бидејќи корисниците на Андроид уредите кои биле известени десетина секунди пред земјотресот, добиле брза и јасна порака што да прават во таа ситуација.
Едно од првите упатства е да ги облечете чевлите, „пред да одите каде било, дури и во соседната соба“, да го проверите гасот и да го затворите главниот вентил доколку имате и, се разбира, да избегнете оштетени згради.
Во вториот дел од известувањето се наведува дека се работи за земјотрес и проценетата јачина со локација на можен епицентар.