Фудбалерот на Блекпул, Џејк Даниелс, денеска призна дека е геј и стана првиот британски професионален фудбалер кој јавно објави дека е хомосексуалец по Џастин Фашау во 1990 година.
Даниелс (17) призна дека ја криел својата сексуална ориентација како млад човек „бидејќи сакал да биде професионален фудбалер“. Сега вели дека „е вистинското време да се биде свој, слободен и безбеден“.
„Време е за тоа. Се чувствувам како да сум подготвен да им ја раскажам на луѓето мојата приказна. Сакам луѓето да го знаат вистинското јас. Долго време размислував како сакам да го направам тоа, кога сакам. Знам дека сега е време. Долго време мислев дека ќе треба да ја сокријам вистината затоа што сакав да бидам, а сега сум професионален фудбалер. Се прашував дали да почекам да се пензионирам за да го објавам ова. Ниту еден друг играч овде во професионалната игра не се декларирал како хомосексуалец“, изјави Даниелс во интервју за „Sky Sport“.
Даниелс изјави дека добил поддршка од своите соиграчи и клубот кој се натпреварува во Чемпионшип.
„Откако излегов во јавност пред моето семејство, мојот клуб и соиграчите, тој период на претерано размислување за се и стресот што го создаваше исчезна. Тоа влијаеше на моето ментално здравје. Сега сум само сигурен и среќен што конечно сум свој“, изјави Даниелс.