Поранешниот американски претседател и републикански претседателски кандидат Доналд Трамп има предност на анкетите во однос на актуелната потпретседателка и демократска кандидатка Камала Харис за четири процентни поени, покажува истражувањето на компанијата „Расмусен рипортс“.
„49 отсто од гласачите би гласале за Трамп, додека 45 отсто од гласовите би отишле за Камала Харис“, покажува анкетата.
Дополнително, три отсто од испитаниците одговориле дека ќе гласаат за друг кандидат, а уште два отсто се неопределени.
Анкетата е спроведена на 8, 11, 12, 13 и 14 август меѓу 1.885 веројатни гласачи во САД.
Претседателските избори во САД имаат две фази. Во првата фаза, гласачите во секоја држава гласаат за претседателски кандидати. Победничкиот кандидат ги добива сите електорски гласови на државата. Бројот на електорите е еднаков на бројот на конгресните области во државата, вкупно 538. Затоа, поддршката на мнозинството гласачи не гарантира победа на кандидатот.
Да се потсетиме на изборите во 2016 година, Хилари Клинтон доби речиси три милиони гласови повеќе од Трамп, но сепак загуби бидејќи нејзиниот противкандидат победи на броењето на електорските, 306 спрема 232.
Како што напиша Ројтерс, додека националните анкети даваат важни сигнали за поддршката на Американците за кандидатите, рамнотежата на силите во американскиот изборен процес на крајот е под влијание на неколку клучни држави.
Американските претседателски избори ќе се одржат на 5 ноември, пренесува „РТ Балкан“.