Антонов: Тврдењата на САД за руска „инвазија“ на Украина без докази

Изјавите на американските политичари дека Русија наводно ќе ја нападне Украина за време или по Олимпијадата се апсолутно неосновани и не се поткрепени со никакви докази, изјави рускиот амбасадор во САД, Анатолиј Антонов.

Одговарајќи на прашање на магазинот „Њузвик“, Антонов оцени дека изјавите на американскиот советник за национална безбедност Џејк Саливан имаат алармантен тон и дека само ја покажуваат желбата на администрацијата во Вашингтон да ја максимизира пропагандната кампања против Русија.

Според Антонов, чиј одговор е објавен на Фејсбук страницата на руската амбасада, целта е да се создаде впечаток во јавноста дека наводната „агресија“ е неизбежна.