Apple објави дека денес ја проширил својата услуга Tap to Pay во уште девет европски земји: Бугарија, Финска, Унгарија, Лихтенштајн, Полска, Португалија, Словачка, Словенија и Швајцарија. Оваа услуга се уште не е достапна во Македонија.
И покрај тоа што може да сугерира името, Tap to Pay не се однесува на можноста за плаќање преку iPhone. Tap to Pay е услуга што им овозможува на бизнисите да прифаќаат бесконтактни плаќања директно на iPhone, без дополнителен хардвер или терминал за плаќање.
Ако тргувате во една од наведените земји, сега можете да прифаќате плаќања на iPhone XS или понов модел со најновата верзија на iOS. Може да прифаќате бесконтактни плаќања од дебитни и кредитни картички (Visa, Mastercard, Discover, American Express), како и преку Apple Pay, Google Wallet и други дигитални паричници на телефони или паметни часовници.
Apple наведува дека информациите за плаќање на корисниците се заштитени со „истата технологија што го прави Apple Pay приватен и безбеден“.
Сите трансакции се шифрирани и обработени со помош на Secure Element на iPhone, што значи дека Apple не знае што се купува или кој го купува производот.
Целосната листа на земји што поддржуваат Tap to Pay можете да ја најдете овде.