Калифорниската компанија Apple денеска ќе го претстави оперативниот систем iOS 17 за своите iPhone уреди со новитети како нов режим на подготвеност (StandBy Mode), 3D налепници (Live Stickers) направени од фотографии или полесно споделување на контакти со други корисници на iPhone.
Сопствениците на iPhone X, како и моделите 8 и 8 Plus, нема да можат да го преземаат iOS 17 на своите уреди, но ќе добиваат безбедносни надградби, пренесе Sky News.
Корисниците на други iPhone уреди кои имаат овозможено автоматско ажурирање ќе добијат iOS 17 без да мора да прават ништо, но тоа може да потрае неколку дена. Новиот оперативен систем веќе нема автоматски да ги коригира вулгарните зборови во писмената комуникација што корисникот може да ја користи намерно.
Apple очекува корисниците да ги полнат своите телефони на специјални штандови, а во тој режим на екранот ќе се прикажуваат часовникот, календарот, фотографиите или временската прогноза.
Во пораките ќе биде усвоена и функција за пријавување, така што корисниците ќе можат да ги информираат пријателите и семејството кога ќе пристигнат на планираната дестинација.
Корисниците ќе можат да го клонираат сопствениот глас за да зборуваат пишани зборови или да ја прилагодат брзината на зборување на дигиталниот асистент на Apple, Siri.
Оперативниот систем iOS 17 ќе може да ги разликува и боите на различни фотографии, ќе има и подобрена заштита на приватноста, како и функција која го следи менталното здравје на корисникот, најавуваат од компанијата.