Американскиот суд ја потврди 20-годишната затворска казна за раперот Ар Кели за сексуално злоставување деца, пишува „Гардијан“. Тој беше прогласен за виновен по три точки за детска порнографија и три точки за поттикнување малолетници на секс.
Поротниците го ослободија по седум од 13 точки од обвинението дури и откако ги прегледаа снимките за злоупотреба. Тој беше ослободен по четвртата точка од обвинението за детска порнографија, по три точки за заговор за примање детска порнографија, по две точки за поттикнување малолетно лице на секс, а поротата одлучи дека не се мешал во правната постапка што се спроведена против него во 2008 година, исто така за детска порнографија.
Да потсетиме, во јуни минатата година, по повеќе од две децении обвинувања за сексуална злоупотреба и поткуп, Кели беше осуден на 30 години затвор за водење на синџир за проституција и рекетирање.
Судијата Ен М. Донели ја изрече казната и покрај барањето на неговите бранители тој да биде осуден на 10 години затвор. Кели дознала за неговата казна откако неговите жртви опишале како ги напаѓал и како ги заведувал. Девет жени и двајца мажи детално опишале како Ар Кели сексуално ги злоставувал и понижувал.
Пејачот беше прогласен за виновен во 2022 година, а сведоците изјавија дека жртвите се надевале дека тој ќе им помогне во нивните кариери, а всушност од нив барал апсолутна послушност.