Арапската лига: Незаконско е отворањето на косовската амбасада во Ерусалим

Отворањето на амбасадата на Косово во Ерусалим е незаконско и Арапската лига силно се спротивставува на ваквата одлука, рече генералниот секретар на оваа регионална организација на арапските земји, Ахмед Абдул Гејт.

„Секоја одлука за отворање амбасада во Ерусалим е незаконска, бидејќи градот беше под окупација и затоа ваквите дипломатски одлуки не можат да бидат прифатени“, рече Гејт, пренесува Танјуг, пишувајќи на порталот „Косово онлајн“, кој се повикува на Балкан Инфо.

Претходно ЕУ ја критикуваше одлуката на властите во Приштина да отворат амбасада во Ерусалим.