Менаџерот на Арсенал, Микел Артета беше пресреќен по победата над Челси од 3:1, со која „топџиите“ ставија крај на серијата лоши резултати.
Арсенал ја прекина серијата од осум натпревари без победа во Премиер лигата, а со головите на Лаказет, Џака и Сака го направи Божиќ подобар за своите навивачи.
„Играчите и навивачите страдаа многу во последно време, се надевам дека оваа победа ќе ја сврти сезоната. Успеавме да играме на многу убедлив начин против еден од најдобрите тимови во лигата“, рече Артета.
Шпанскиот стручњак ја пофали играта на младите играчи на Арсенал, а го пофали и долго критикуваниот Гранит Џака, кој му донесе предност на Арсенал од два гола со убав удар од слободен удар.
„Имавме добра мешавина од искусни играчи и таленти, мислам дека беа многу добри. Џака греши, како и секој друг, но неговата посветеност, карактер и желба да игра за овој тим се несомнени “, изјави Артета.