Асад пристигна во Москва, ќе се сретне со Путин

Рускиот претседател Владимир Путин денеска во Москва ќе разговара со сирискиот претседател Башар ал Асад, соопшти Кремљ.

Според информациите, ќе се разговара за изгледите за сеопфатно решение на ситуацијата во и околу Сирија, пренесува РИА Новости.

Двајцата претседатели ќе разговараат и за натамошниот развој на руско-сириската соработка во политичката, трговската, економската и хуманитарната сфера.

Од кабинетот на сирискиот претседател вчера соопштија дека Асад пристигнал во Москва, каде ќе разговара со Путин.