Грција започна истрага на компанијата “Актор”, која има тендерите во Македонија и Бугарија . Во Атина добиле сигнал дека компанијата подале дебели поткупи на службени лица во Република Македонија за да го доби договорот за изградба на автопатот Демир Капија-Смоквица. Договорот бил вреден 270 милиони евра.Градежните работи на овој проект започнаа во 2012 година Грчката компанија победи на тендерот, иако нејзината понуда беше највисока, наведуваат и бугарските медиуми.
Според информациите, во корупциски договор се вклучени лица од филијалите на компанијата во Македонија, како и одделни бизнисмени од Грција. За истрагата Атина побарала помош и од Скопје, но бидејќи не добила помош е побарана интервенција на Европската мрежа за судска соработка – Евроџаст.Според медиумите во Грција, овие детали ги открива и најновиот извештај на Организацијата за економска соработка и развој – ОЕЦД , за борбата со корупцијата во Грција.
Информацијата дека Апелациониот суд од Атина испратил барање за правна помош во Министерството за правда во Македонија за случајот Актор, потврдуваат за Алсат од кабинетот на министерот Аднан Јашари. Министерството за правда, барањето го доставило до Основното јавно обвинителство во Скопје. Сепак, засега никој не соопштува детали за овој случај.
Дополнително, Јавното обвинителство не коментира за ова прашање, иако предметот за Актор во земјава е отворен веќе неколку месеци, односно лани. Алсат испратил прашања до Јавното обвинителство, но оттаму денеска не добиле одговор. Актор предкривична истрага отвори и македонското Обвинителство, откако лани во март на прес-конференција опозицискиот СДСМ обвини за незаконско подигање милионски суми во кеш од сметката на фирмата од банка во Неготино. Оттогаш досега Јавното обвинителство не излезе со информации за овој случај.
“Актор” создаде многу проблеми и во Бугарија , откако победи на тендерот за делот од Автопат “Струма”. Изградбата задоцни што ја стави под сомнение апсорпцијата на доделените за целта европски пари.