Атлетико одби 130 милиони евра за Феликс од Јунајтед

Атлетико Мадрид ја одби понудата на Манчестер Јунајтед за крилниот напаѓач Жоао Феликс.

Како што пренесуваат англиските медиуми, „црвените ѓаволи“ понудиле 130 милиони евра за 22-годишниот Португалец.

Атлетико го донесе Феликс од Бенфика во 2019 година за 127 милиони евра, а откупната клаузула во договорот е 350 милиони.

На премиерата на новата сезона во шпанската Ла Лига, Феликс забележа три асистенции во победата на Атлетико над Хетафе од 3:0.

Минатата сезона постигна 10 гола со 6 асистенции на 35 натпревари, а вкупно за Атлетико одигра 112 натпревари на кои постигна 29 гола со 18 асистенции.