Nokia HERE е услуга слична на Google Maps, која веќе некое време е на пазарот. Фановите на Lumia серијата или Windows Phone најверојатно за запознаени со оваа апликација. Претходно во текот на годината имаше гласини дека Microsoft и Uber имаат желба да ја купат услугата, а сега нови докази покажуваат дека неколку автомобилски гиганти од Германија пројавуваат голем интерес.
Од “Волстрит џурнал” велат дека Ауди, БМВ и Дајмлер веќе се договориле со Нокиа за правата на софтверот и се очекува тоа да биде официјално соопштено во наредните денови. Автомобилските компании се договориле да платат цена од околу $ 2.71 милијарди, а планираат да им овозможат и на други компании да го лиценцираат софтверот. Но, зошто производителите на автомобили ја сакаат толку Nokia HERE? Најчеста причина е дека се плашат од силата која компании како Гугл, на пример, ја имаат во оваа индустрија. Ако Гугл имаа целосна контрола, тие би можеле да ги лиценцираат своите услуги и софтвер како стандард.