По претходно презентираните верзии на S e-tron GT и RS e-tron GT, Инголштат ја претстави и основната верзија на електричниот модел e-tron GT со редизајнирано издание на својот одговор на Taycan на Porsche, со напомена дека зборот „основен“ во овој случај треба да се сфати со голема претпазливост.
Однадвор, многу слично на верзиите S и RS, основниот e-tron GT носи со себе два електрични мотори кои се одговорни за погон на обете оски (quattro). Комбинираните мотори произведуваат 503 КС и 590 Nm вртежен момент, но со активирање на системот „контрола на лансирање“, комбинираната моќност може накратко да се зголеми на 585 КС.
Гореспоменатиот потенцијал е доволен за електричниот Grand Tourismo на Audi да достигне 100 км/ч од место за четири секунди и да развие електронски ограничена брзина од 245 км/ч без никакво задоцнување. Во споредба со S верзијата со која го дели капацитетот на батеријата, основниот модел е полесен за 30 килограми, па затоа неговата маса е 2.254 килограми.
Намалувањето на тежината, исто така, придонесува за потрошувачката на електрична енергија, па така e-tron GT може да помине до 622 километри (според WLTP стандардите) со едно полнење на батеријата (корисни 97 kWh), а на моќни супербрзи полначи (320 kW) по само десет минути полнење, батериите ќе обезбедат енергија за опсег до 285 километри. На споменатите полначи, потребни се само 18 минути за полнење од 10 до 80 проценти.
Основниот Audi e-tron GT во Германија чини 108.900 евра, што е за 17.100 евра помалку од помоќната S верзија, но и малку повеќе од основниот Taycan 4, кој чини 107.300 евра.