Audi претходно ги објави основните податоци за електричниот модел Q6 E-Tron, додека сега објави дека неговата официјална премиера ќе се одржи на 18 март.
Според претходните информации, Audi ќе понуди и Sportback варијанта на Q6 E-Tron, кој ќе добие заден дел како купе за клиентите кои претпочитаат поелегантен изглед.
Q6 E-Tron ќе биде лансиран и со нова технологија за активно осветлување што го прави ова ЕВ попаметно и побезбедно.
Q6 E-Tron е базиран на Premium Platform Electric архитектурата. Технологијата вклучува електричен систем од 800 волти, а споменатиот опсег е 600 km со едно полнење на батеријата од околу 100 kWh (од 10 до 80% капацитет се полни за околу 30 минути).
Што се однесува до димензиите, должината на возилото е околу 475 см, меѓуоскиното растојание е околу три метри, додека тркалата се 21 инчи.
Во внатрешноста има 11,9-инчна инструмент табла и 14,5-инчен инфозабавен екран, 10,9-инчен екран за патникот, како и напреден head-up дисплеј.
Има и амбиентално осветлување и опционален аудио систем Bang & Olufsen од 830 вати со 22 звучници.
Верзијата Q6 E-Tron 55 има 380 КС со два електромотори, или околу 400 КС во режимот Boost (достигнува 100 км/ч за околу 6 секунди), додека SQ6 има 490 КС или 510 КС во режимот Boost (доволно за забрзување до 100 km/h што трае помалку од 4,5 секунди).
Исто така, треба да се понуди и RS варијанта со високи перформанси со околу 600 коњски сили.
Конечно, и стандардната верзија на Q6 E-Tron и Q6 E-Tron Sportback ќе се произведуваат во Инголштад, Германија, додека цените ќе започнуваат од најмалку 60.000 евра.