Денеска јавноста ќе слушне за тоа како функционирала коалицијата меѓу ВМРО ДПМНЕ и ДУИ во делот на меѓусебната заштита и покривање на незаконското однесување, изјави лидерот на СДСМ Зоран Заев на почетокот од денешната прес конференција. Ќе слушнете, рече тој, нови докази како се местени милионски тендери и како се испумпувале пари во приватни компании кои потоа завршувале во ВМРО ДПМНЕ. Денеска јавноста ќе ја дознае и вистината за тоа кој стои зад купувањето од страна на МВР нов автомобил Мерцедес вреден речиси 600 илјади евра. Кој го нарачал и за каква цел.
Првите два разговора, според Заев, се меѓу Муса Џафери и Сашо Мијалков. Од нив може да се чуе како Муса Џафери и Сашо Мијалков како на бизнисмен близок на ДУИ му ослободуваат запленети комјутери.
Разговор помеѓу Муса Џафери и Сашо Мијалков
МЏ: Здраво.
СМ: Муса здраво, како си?
МЏ: Вака, ајде да те прашам…Добар сум, уште на Влада, катастрофа.
СМ: Ха, ха, ха.
МЏ: А бе ова катастрофа.
СМ: Ти завидувам да ти кажам искрено. Јас знаеш колку би сакал да сум таму.
МЏ: Да!?
СМ: Ха, ха, ха. Се шалам бе.
МЏ: Еј ај да те прашам малку, малку на чисто.
СМ: Да.
МЏ: Ме прашуваше тој човекот. Компјутерите се уште во Скопје. И тој е во Скопје. Види, да ги чека да ги зема, ќе им ги дадат…
СМ: Зборев јас со нив. Ми кажаа вака: поради некоја најава ова-она и поради тоа што со наредба треба да се направи некоја копија, вика утре сабајле 9-10 да дојдат, да си ги земат.
МЏ: Ама се извинувам, нема да ти свртам телефон, пошто и тој ми досади.
СМ: Не, не, не. Ја зборев пред саат време и тоа ми рекоа, пошто мене и Абдулаќим ми се јави…
МЏ: Кажи ми чисто…
СМ: Абдулаќим ми се јави пред саат време. Она што ми пушти порака, прво ми се јави, па ми пушти порака. Пошто он ми се јави, јас проверив. Се јавив таму, викам што е работата. Вика све е уреду, дојдоа луѓето, си отидоа, се договоривме. После тоа ми пушта Абдулаќим, зборел со луѓето, луѓето рекле не е договорено. Па јас проверив накнадно. Сега го барав него, он е недостапен. Тебе ти кажувам дека утре 9-10 си ги зимаат.
МЏ: Океј.
СМ: Иначе, иначе они ве мафтаат вас малце. Таму се им функционира.
МЏ: Не бе не, ова телефонски. Може и тоа. Ќе го видиме тоа.
СМ: Ве мафтаат и нека не прават притисок, нема смисла сега. Кај им правиме попуст, они…
МЏ: Не, не. Јас, јас кога ми рековте Вие, им реков дека ќе ги пуштат.
СМ: Ќе ги пуштат утре 9-10 да ги земат.
МЏ: Океј, така ќе им пренесам. Важи.
Разговор помеѓу Муса Џафери и Сашо Мијалков
МЏ: Здраво.
СМ: Здраво Муса, што правиш?
МЏ: Па еве те барам уште порано. Можеби спиеше.
СМ: Одмарав малку да ти кажам искрено. Нешто бев овие денови не одморен.
МЏ: Знам, знам.
СМ: Па малку одмарав.
МЏ: Види, ама, ај кажи ми кај кого да оди тој? Ми спомна тие во Кичево, протестираат уште во суд.
СМ: Вака сега. Сакав да те барам тебе уште синоќа. Сакам да ти кажам овај…ќе биде се океј. Него сакам да ти ја отсликам ситуацијата реално.
МЏ: Ма ако сакаш…
СМ: Значи вчера…Молим?
МЏ: Ако сакаш покасно, некако и така на некој начин, на кратко да се видиме. Не само за овој случај, него општо вака.
СМ: Ама види, у 1 саат имаме ние Унија на млади сили, сега е 12 више. Додека се спремам, да отидам у 1 да сме таму. Тоа сигурно ќе трае до кај 3, а после има овој Орце Камчев прави роѓенден на децата од 1 саат. Ќе каснам ја таму едно 2 саата,
МЏ: Океј. Ај кажи ми…океј, што почнавме.
СМ: Па ќе се видиме ние можеме приквечер да се видиме. А вечер јас, мене ми е денеска, имам некое така фамилијарна обврска.
МЏ: Не, не, не. Не мора, не мора, не знаев ако си толку под притисок, ама ај кажи ми за овој случај.
СМ: Вака сега, јас сакав да те барам јас уште синоќа. Нели вчера они кога рекоа ќе ги вратат компјутерите, значи они рекле дека чекаат наредба од истражен судија за да они направат копија. И која што копија…
МЏ: Од кичевскиот.
СМ: Да, кичевскиот истражен судија и таа копија одма да им ја дадат на нив. Тоа е тоа што на нив им требало. Со тоа се они задоволни. Меѓутоа, најверојатно некои од нивна страна влијаел на кичевскиот истражен судија. Кој што во случајот е Македонец, а го проверив јас тој бил некој криминалец, што зимал пари ваму-таму, не е битно. И тој не сакал да даде наредба. И затоа овие вчера малце ги…
МЏ: За враќање?
СМ: Слушај ме сега. А?
МЏ: Да, да. Ај те пратам.
СМ: Да, да. Прати ме до крај, ќе ти биде јасно пошто јас многу јасно и едноставно ќе ти кажам. И тој не сакал да даде наредба. А они без наредба не смеат да направат копија, зошто тоа е повреда на постапката. Да ја дал таа наредба уште вчера, уште вчера ќе им било на овие направена копија и дадена на нив и завршена работа. Значи наредба за вештачење. Истиот судија дал наредба за претрес и сега не сака да даде наредба за вештачење, што нема логика. Значи ти ако даваш наредба за претрес,
МЏ: Да.
СМ: Која е логиката да не дадеш наредба за вештачење на предметите кои се изземени од претресот…
МЏ: На документите, да.
СМ: Ме разбираш? Што значи јасно е дека некој таму влијаел. Дали вака, дали онака. Не знаеме како. И тој рекол: не давам наредба. И вчера, синоќа се јавивме таму, реков јас да се јават на тој, да кажат дека нема логика да не дава наредба, да даде наредба затоа што треба на луѓето да се…да им се врати.
МЏ: Наредба за вештачење.
СМ: Он им рекол: нека дојдат утре сабајле, ќе им дадам наредба. Овој им дал наредба дури сега, пред едно саат време,
МЏ: Да, ми спомна тој дека се во Кичево кај истражниот судија се.
СМ: И дал наредба. И он сега ќе трееба уште саат време да направат копија и ќе им дадат. Што значи дека…
МЏ: Океј, океј.
СМ: Ама не е тоа добро бе, така они сега да влијаат, да прават, знаеш. Кај им правиме ние попуст…
МЏ: Ај ќе го прашам, јас само телефонски преку нив. Тој тргнат беше уште во 10 саатот накај Гостивар и ме бараше, ми рече: ај кажи ми, ако ќе биде да дојдам до Скопје да ги земам или не. Истотака ми спомна нешто за судот, што Вие ми кажавте таму кај истражниот, кичевскиот…
СМ: Да, вака сега. Значи јас мислам дека они имаат контакт од нив и они сигурно ќе се спојат и ќе им кажат кај да дојдат. Таа работа е во тек, дадена е наредба и во процедура е, прашање е дали е саат, два, три, толку е прашање, таа работа е завршена.
МЏ: Д, да. Пошто тој не сака, ни ја да Ве замаварам на Вас, имате фамилија и приватни…
СМ: Ама тој Ве замара, и Вас Ве замара.
МЏ: Ааа бе види. А бе и јас не сум го видел, ќе го сретнам кога ќе дојде да ги земе тука тој, со Исмаил. И претпоставив дека тие се шушкаат горе-долу под притисок, паника…Кој е истажниот судија, како се вика?
СМ: Некој Македонец, не знам кој е. Некој Б,Б…на Б му е презимето.
МЏ: Да му кажам на овој да дојде да чека во Скопје?
СМ: Па не знам јас сега каде. Ај јас сега ќе се јавам, од финансова полиција, они имаат контакт од нив…
МЏ: Тој ми рече дека копмјутерите се во Скопје.
СМ: Вака сега. Сега ќе му се јавам на Љупчо, они ми се јавија мене сабајле да ме известат, односно не сабајле, сега се јавија пред пола саат и ќе му кажам да се спојат, да ги викнат, да си завршат работа.