218
Највисокиот американски претставник во Тајван, Сандра Аудкирк рече дека Соединетите Американски Држави се посветени да му помогнат на Тајван да се одбрани.
„САД имаат обврска да му помогнат на Тајван да ја обезбеди својата самоодбрана”, рече Аудкирк, која го води Американскиот институт во Тајван, кој всушност е амбасада на САД поради немање формални дипломатски врски.
Во последните неколку недели ескалираа тензиите меѓу Тајван и Кина, која не ја отфрли можноста за окупација на островот на кој владее демократијата.
Иако САД, како и повеќето земји, немаат формални односи со Тајван, тие се нивниот најважен меѓународен поддржувач и главен снабдувач со оружје.