Авионот на бугарската компанија „БХ Ер“, кој ги превезувал фудбалерите на црногорската репрезентација од Кардиф за Подгорица, морал повеќе од 40 минути да кружи околу Херцег Нови, бидејќи аеродромот не работел ноќе и се отворал за сообраќај во 7 часот наутро, јавија црногорските медиуми.
Аеродромите во Црна Гора ја губат трката со Тирана поради одлуките кои доведоа до намалување на бројот на летови на нискобуџетните компании, а ноќните летови се стара болка. Тоа го почувствувале и црногорските фудбалери и делегацијата, која со нив се вратила од Кардиф, бидејќи авионот на бугарската компанија „БХ ер“ повеќе од 40 минути кружел околу Херцег Нови, пишува „РТЦГ“.
На објавената вест реагираше аеродромот во Подгорица, оттаму велат дека на авионот со репрезентативците му било дозволено да слета дури час и половина пред отворањето за сообраќај – во 5:30 утрото, како и дека работното време на вработените почнува во 4:45 наутро.