74
Австрискиот суд ја задолжи социјалната мрежа Фејсбук да ги отстранува публикациите кои содржат говор на омраза. Решението може да се гледа како победа на активистите кои бараа социјалните медиуми да се борат со “троловите” на интернет. 
Тужбата беше поднесена од австриската партија на Зелените, откако нејзината претседателка стана жртва на таквите пораки. Апелациониот суд во Виена пресуди дека социјалната мрежа Фејсбук е должна да ги отстрани навредливите пораки. Разврската на овој случај доаѓа во момент кога властите во цела Европа размислуваат како да најдат начин да ги натераат Фејсбук, Гугл, Твитер и другите социјални медиуми брзо да ги бришат објавите на омраза, лажнте вести и побликации, потикнување на насилство.