Бајден: Ќе одговориме брзо и жестоко на Талибанците ако нападнат некој од нашите луѓе

Американскиот претседател Џо Бајден повторно се обрати до јавноста во врска со авганистанската криза и ја прокоментира евакуацијата на американските државјани од таа земја, како и локалниот персонал кој им помага на американските сили.

„Ние сме во постојан контакт со Талибанците. Ние им рековме дека можат да очекуваат брз и жесток одговор ако се случи напад. Ние, исто така, се договоривме со нив за слободен премин до аеродромот за нашите граѓани“, рече тој.

Тој истакна дека 6.000 американски војници во моментов се на аеродромот во Кабул.

„Ќе го завршиме повлекувањето и 20 -годишното делување на САД во Авганистан“, додаде тој.

На прашањето дали САД го изгубиле кредибилитетот, тој рече дека веруваат во спротивното.