Украинскиот претседател Владимир Зеленски денеска телефонски разговараше со американскиот претседател Џозеф Бајден, кој ѝ вети на Украина, меѓу другото, уште 500 милиони американски долари во форма на „директна буџетска помош“.
Во денешниот разговор меѓу Бајден и Зеленски, кој, како што истакнува Зеленски, траел еден час, Бајден ѝ ветил на Украина дополнителна финансиска помош во износ од 500 милиони американски долари.
JUST IN: President Biden said the U.S. intends to provide Ukraine with $500 million in direct budgetary aid, per WH readout of call with Zelensky today.
The U.S. began delivering an $800 million package of military aid to Ukraine last week that will include Switchblade drones. pic.twitter.com/qYRZ46iLAb
— Jack Detsch (@JackDetsch) March 30, 2022
Според соопштението на Белата куќа, претседателите на Украина и на САД разговарале и за „континуираните напори на САД и нивните сојузници во обезбедувањето воена, економска и хуманитарна помош за Украина“.
„Покрај тоа, претседателот Бајден го информираше претседателот Зеленски дека САД имаат намера да обезбедат 500 милиони долари директна буџетска помош за украинската влада. Тој, исто така, разговараше за дополнителни санкции и хуманитарна помош, кои беа објавени минатата недела“, се вели во соопштението на Белата куќа, во кое се додава дека Зеленски го информирал Бајден и за статусот на преговорите на Украина со Русија.
Веднаш по објавувањето на Белата куќа, самиот Зеленски на Твитер го опиша разговорот со Бајден:
„Само што го завршив едночасовниот разговор со Бајден. Споделивме анализи за ситуацијата на бојното поле и на преговарачката маса. Разговаравме и за конкретна одбранбена поддршка, нов пакет зголемени санкции, микрофинансирање и хуманитарна помош“, напиша украинскиот претседател.
Just finished an hour-long conversation with @POTUS. Shared assessment of the situation on the battlefield and at the negotiating table. Talked about specific defensive support, a new package of enhanced sanctions, macro-financial and humanitarian aid.
— Володимир Зеленський (@ZelenskyyUa) March 30, 2022
Фото: POOL / Getty images / Profimedia