Американскиот претседател Џо Бајден во понеделникот го бранеше својот говор во саботата за рускиот претседател Владимир Путин. Тој рече дека нема намера никому да се извинува, но дека она што го кажал е израз на неговиот „лична морална згрозеност“.
„Не повлекувам ништо“, рече претседателот Бајден во понеделникот во Белата куќа, истакнувајќи дека не изразува промена во политиката, туку дека изразува мислење засновано на емоции од тој ден.
„Го изразив моралниот гнев што го чувствував кон начинот на кој постапува Путин и кон постапките на овој човек. Штотуку се вратив од патување каде што поминав време со украинските бегалци во Варшава. Ни тогаш, а ни сега не изразувам промена на политиката. Не се извинувам за тоа што го кажав“, рече Бајден.
Потсетуваме, американскиот претседател Бајден изјави дека Путин е „крвник“ и дека не може да остане на власт.