Американскиот претседател Џо Бајден го повика Конгресот денес да постапи што е можно побрзо и да ја ограничи трговијата со огнено оружје во земјата, три години по масакрот во американската сојузна држава Флорида.
„Оваа администрација нема да чека повторно масовно пукање за да слушне повици за акција“, рече Бајден по повод три години од пукањето во Флорида, каде беа убиени 17 лица.
Американскиот претседател го повика Конгресот „да донесе разумни реформи во врска со оружјето“ и повика на задолжителна проверка на минатото на купувачот на оружје. Тој исто така повика на забрана за продажба на пушки и оружје од поголем калибар.
Бајден рече дека „имунитетот на оние производители на оружје кои свесно ставаат воено оружје на американските улици мора да биде одземен“.
Пред три години, младиот Николас Круз уби 14 ученици и уште тројца во училиште пред да биде уапсен. Тој ги уби жртвите со полуавтоматска пушка, која законски ја набавил, и покрај претходните психички проблеми.
И покрај протестите на младите и граѓаните кои бараа построга контрола врз продажбата на пушки, тогашниот претседател на САД, Доналд Трамп, не прифати разгледување на забраната за пушки.