Продуцентската куќа на Барак и Мишел Обама најави шест нови проекти во соработка со Нетфликс, односно четири филма и две серии.

Продуцентската куќа на Обама „Higher Ground Productions“ ќе го адаптира романот на британско-пакистанскиот автор Мохсин Хамид „Exit West“ во филм, се вели во соопштението на Нетфликс. Книгата зборува за млад пар кој наоѓа магична врата што ќе ги пресели на други места во средината на светската бегалска криза.

Другите филмски проекти вклучуваат научно-фантастичен филм наречен „Сателит“, кој ќе се произведува во соработка со режисерот на „Војна на вездите“ Рајан Џонсон и продуцентот Рам Бергман.

„Тензинг“ е приказна за непалско-индиски маж кој прв пат го достигна врвот на Монт Еверест со Едмунд Хилари од Нов Зеланд, а „Млада сопруга“ е игран филм што ги следи чувствата на жената на денот на нејзината венчавка, кога е „бурата“ се  приближува.

Компанијата развива и две телевизиски серии. Нетфликс соопшти дека проектите ќе бидат објавени во следните неколку години, но не ги прецизираше точните датуми на објавување, пренесува Ројтерс.