Пол Бурел (61), поранешен батлер на принцезата Дијана на својот профил на социјалните мрежи споделил фотографија од писмо кое го напишала принцезата Дијана. Тој истакнал дека низ писмото таа ја покажала љубовта кон свите синови но исто така и тагата бидејќи претчувствувала дека ќе им биде тешко да бидат членови на британското кралско семејство.
– Додека Хари, Меган и Арчи започнуваат да градат нов живот, се сетив на зборовите кои принцезата Дијана ги напиша пред многу години. Тоа се зборови на безуслвна љубов која денес и тоа како се прикладни, иако таа ги напишала пред повеќе од 24 години – напишал батлерот под фотографијата.
https://www.instagram.com/p/B7yDcEVj9C-/
Во писмото Дијана предвидела дека на нејзините синови ќе им се случи нешто односно дека ќе им треба огромна сила за сите предизвици.
„Ги сакам своите момци до смрт и се надевам дека семето кое го посадив и понатаму ќе расте и ќе им донесе сила, знаење и стабилност“, пишувало во писмото.
Во морето на оние кои ја критикувале и тврделе дека го уништуваат угледот на британското кралско семејство, Бурел беше еден од оние кои ги поддржа Меган и Хари и нивнита одлука за отстапување од кралските должности.
– Моите мисли се со Меган и Хари додека го прават овој огромен чекор во новиот живот. Исто така размислував и за принцезата Дијана и што таа би мислела за сето ова. Во своето срце знам дека би сакала Хари и Меган да бидат среќни, пред се – напишал поранешниот батлер на Инстаграм.