Бегале од полиција кај Арачиново, па излетале од патот

МВР информира дека рано утрово приведени се две лица во атарот на скопско Арачиново. Според полицијата, Н.А.(46) од Арачиново и И.С.(44) од Огњанци во автомобил марка „мерцедес“ не застанале на знак за запирање даден од полициски службеници.

-Во знак на предупредување од полициски службеник бил испукан еден куршум во воздух, а потоа на влезот од Арачиново со возилото удриле во службено полициско возило и се обиделе да удрат и полициски службеник, по што излетале од патот. Тие биле приведени во полициска станица и по целосно документирање на случајот против нив ќе биде поднесен соодветен поднесок, стои во соопштението од СВР Скопје.