248
Американскиот претседател Џозеф Бајден на состанокот во понеделник ќе го предупреди својот кинески колега Си Џинпинг дека континуираната трка во вооружување на Северна Кореја ќе доведе до зголемено американско воено присуство во регионот, соопшти денеска Белата куќа.
Според Ројтерс, САД се загрижени што Северна Кореја планира да продолжи да тестира нуклеарна бомба за прв пат од 2017 година и верува дека Кина и Русија имаат капацитет да го убедат Пјонгјанг да не го прави тоа.
Бајден и Си ќе ги имаат првите разговори како претседатели и ќе се сретнат на маргините на самитот на Г-20 во Индонезија следната недела, на островот Бали.