Белата куќа најавува нов пакет воена помош за Украина

Белата куќа го објави последниот во серијата пакети помош за Украина, кои вклучуваат системи за противвоздушна одбрана, муниција и друга одбранбена опрема во вредност до 300 милиони долари.

Пентагон објави дека овој пакет претставува 39-ти трансфер на опрема во Украина од пописот на министерството за одбрана на САД, пренесе „Ројтерс“.

Се вели дека пакетот вклучува батерии за системи за противвоздушна одбрана „Патриот“, противвоздушни системи „Стингер“, противтенковска муниција и друга опрема.