Белингем во неволја, го чека подолга суспензија

Кавгата на Џуд Белингем со судијата по натпреварот помеѓу Валенсија и Реал Мадрид, кој заврши 2:2 во Ла Лига, може скапо да го чини.

Судијата Хил Манзано свирна крај на натпреварот во средата, само неколку секунди пред Белингам да го постигне голот што ќе му донесе победа на Мадрид.

Следеа жестоки протести, а Англичанецот беше најагресивен. За тоа судијата му додели директен црвен картон.

Овој тип на прекршок обично резултира со суспензија од минимум три натпревари. Се чека одлуката на дисциплинската комисија, а Реал веќе најави жалба, доколку не бидат задоволни од пресудата.