Во Специјалниот суд во Белград денеска е одложено подготвителното рочиште за членовите на организираната криминална група на Вељко Беливук и Марко Миљковиќ, обвинети за пет убиства, трговија со дрога, недозволено поседување и носење оружје, киднапирање и силување.
Како што дознава Нова.рс, првообвинетиот Беливук се понудил да биде соработник сведок во случаите за убиството на Оливер Ивановиќ, смртта на Владимир Цвијан и демолирањето во населбата Савамала.
Беливук за време на подготвителното рочиште им се обрати на присутните во судницата на Специјалниот суд во Белград. По тој повод побара обвинителството да го земе како соработник сведок во повеќе предмети.
„Доколку се согласите да ги оставите сите овде и да ме оставите мене и Марко Миљковиќ во притвор, нудам да бидам соработник сведок во случаите на Савамала, Оливер Ивановиќ и Владимир Цвијан“, рече Беливук.
Судијката потоа го прекина претресот, велејќи дека не може да одлучи за ништо, бидејќи и претходно се барало нејзино изземање.
Пред и во Специјалниот суд имаше силни мерки за обезбедување на судската стража и Жандармеријата, а членовите на оваа група беа придружувани од полициски возила.