За потценување е да се каже дека Бен Афлек и Џенифер Гарнер останале збунети кога разбрале дека нивната најстара ќерка, Вајолет Афлек, има намера да продолжи да ги негува односите со поранешната сопруга на својот татко – Џенифер Лопез, како и со нејзиното пошироко семејство.
Според добро информиран извор, Бен и Џенифер немале поим дека нивната ќерка ќе го помине викендот со Линда Лопез, сестрата на Џенифер Лопез, која се пофалила со се на својот Инстаграм профил.
53-годишната Линда објави селфи со 18-годишната студентка од Јеил, откривајќи дека двете го поминале викендот заедно на кампусот.
Вајолет, која веќе е фотографирана во друштво на сега веќе поранешната маќеа, по разводот на нејзиниот татко со Лопез, е решена да одржува контакт со латино дивата и нејзиното семејство.
„Вајолет е навистина блиска со Џеј Ло и нејзиното семејство, и тоа е прилично збунувачки за Бен и Џен бидејќи не разбираат зошто Вајолет е толку категорична да ја одржува таа блискост. Џеј Ло и Линда се нејзини примери, па таа има намера да одржува врска со нив“, открил добро информиран извор.
Афлек и Гарнер добро знаат дека Вајолет е доволно возрасна за сама да одлучи со кого сака, а со кого не да се дружи, но им пречело што ваквите моменти се споделуваа на интернет.
„Бен првпат ја виде оваа фотографија на интернет и немаше поим дека Линда ја посетила. Но, Вајолет е возрасна и ѝ е дозволено да прави што сака и да поминува време со кој сака. На Бен и Џен не им пречи што Линда и Вајолет поминуваат време заедно, па дури и што направија симпатична заедничка фотографија, но мислат дека не требало да биде објавена на интернет за да ја види целиот свет“, велат добро упатени извори, цитирани од американските медиуми.