На актуелната генерација на луксузниот седан Bentley Flying Spur и се придружи верзијата Flying Spur Speed.
Накратко, под хаубата се наоѓа 6,0-литарски твин-турбо W12 мотор со 467 kW/635 КС и 900 Nm вртежен момент, поврзан со осумстепен ZF менувач со двојна спојка и погон на четири тркала. Забрзувањето од 0 до 60 милји на час (96 km/h) трае 3,7 секунди, додека максималната брзина е 333 km/h.
Flying Spur Speed во гамата ќе заземе место над верзијата Flying Spur S, при што Bentley го нарекува „најфокусираниот Flying Spur за возење“.
За Flying Spur Speed, Bentley обезбеди и специјални тркала од 22 инчи (во сјајна црна, темна нијанса или сребрена), потоа темна сенка за маската, фарови, ознаки и задни светла, црвени клешти на сопирачките (опционално и во црна боја), елементи од карбон (преден сплитер, странични прагови, заден дифузер и спојлер на капакот на багажникот), пакет Blackline Spec (ги заменува светлите детали со потемни украсни делови), како и 15 опции за боја на кожа за внатрешноста.
Компанијата проценува дека Flying Spur Speed ќе сочинува приближно една третина од сите нарачки на Flying Spur во САД и Европа, додека тој број може да биде еден од пет на Блискиот Исток.