Берлинска полиција: Нема докази дека аквариумот бил цел на напад

Берлинската полиција соопшти дека не бара осомничени по експлозијата во петокот во аквариумот Аквад.

Полицијата ја предупредува јавноста за, како што велат, лажен твит кој сугерира дека е започната потрага, а полициски извор потврди за локалните медиуми дека нема докази дека експлозијата во аквариумот висок 15,85 метри е резултат на таргетиран напад, пренесе Ројтерс.

Аквариумот што експлодирал е најголемиот самостоен цилиндричен аквариум во светот, во кој во моментот на инцидентот имало околу 1.500 егзотични риби, а од експлозијата се повредени две лица, соопшти итната помош.