„Беше брутално“: Најмалку 10 лица загинаа на Флорида за време на ураганот Ијан

од Stefanija Kuzmanovska

Локален функционер во округот Шарлот, една од областите на Флорида најтешко погодени од ураганот Ијан, изјави за Би-Би-Си дека се потврдени 10 смртни случаи откако невремето го погоди овој дел на САД.

Џозеф Тисео, локален комесар, рече дека сè уште не е јасно колку од тие смртни случаи биле директен резултат на ураганот.

„Имавме премногу повици како што се приближуваше невремето, но моравме да ги прекинеме службите за итни случаи бидејќи не можевме да ги испратиме нашите служби за итни случаи на патиштата за време на ураганот. Не знаеме колку луѓе загинаа од други причини“, рече тој.

Локалните служби за итни случаи сè уште ги следат примените повици. Комесарот Тисео рече дека штетите во округот Шарлот, северно од Форт Мајерс, главно биле предизвикани од силни ветрови, а не од бури како во областите појужно.

„Имавме силен ветер кој траеше 12 часа директно од пладне до полноќ. Беше брутално“, изјави тој за Би-Би-Си.

Слични содржини