Комичарот Каби Ламеј стана член на социјалната мрежа TikTok со најголем број следбеници – дури 142,9 милиони – со што ја надмина ѕвездата Чарли Д’Амелио.
Ламеј, кој е роден во Сенегал, а живее во Италија, стекна популарност благодарение на неговите неми реакции на апсурдните „корисни“ трикови, па секоја негова објава бележи милиони прегледи и позитивни коментари.
Во текот на изминатите неколку недели, неговите следбеници започнаа кампања на социјалните мрежи за да го направат повеќе следен од Д’Амелио на TikTok.
Ламеј почнал да снима видеа откако останал без работа во фабрика во Италија за време на пандемијата, па деновите ги поминувал дома барајќи работа.
На почетокот, како и повеќето Тик-Токери, тој снимаше танцови движења, играње видео игри и комични скечеви. Сепак, растот на следбениците беше забележан на почетокот на минатата година, кога почна да се исмева на наводно корисни, но целосно апсурдни видеа од трикови во домаќинството, кои во тој период ги преплавија социјалните мрежи.
„Дојдов до идејата затоа што видов такви видеа насекаде и ми се допадна идејата да додадам малку едноставност на тоа“, изјави Ламеј за Си-Ен-Ен минатата година.
„Мислев дека тоа е начин да се допре до што е можно повеќе луѓе и затоа е најдобро да не се зборува“.
Благодарение на неговите неми, но експресивни реакции, тој стана едно од најпрепознатливите лица на дигиталната сфера, но во неколку интервјуа истакна дека не снима видеа за да стекне слава.
„Не ми е гајле дали сум прв, втор или четврти по популарност на TikTok. Почнав да снимам видеа затоа што сакав да ги насмеам луѓето во периодот на карантин. Сè уште снимам денес со истата цел. Среќен сум поради моите достигнувања, но тоа не е она што ми е најважно“, изјави тој за Си-Ен-Ен.
Ламеј исто така изјавил дека неговата животна цел е да соработува со неговата омилена филмска ѕвезда – Вил Смит.
Досега има снимено скечеви со многу познати личности, врвни спортисти, музичари и актери.