Рускиот претседател Владимир Путин прогласи Велигденски прекин на огнот во сабота, на 19 април. Како што објасни портпаролот на Кремљ, Дмитриј Песков, досега нема издадено нови наредби од страна на претседателот, пренесува руската новинска агенција ТАСС. Претставниците на медиумите го прашаа дали постои можност прекинот на огнот да биде продолжен и по полноќ вечерва.
„Немаше други наредби“, изјави Песков.
За потсетување, претседателот Путин претходно имаше средба со началникот на Генералштабот, Валериј Герасимов, пред да го прогласи Велигденскиот прекин на огнот. Прекинот на огнот започна во сабота, на 19 април, од 18 часот по московско време, и ќе заврши вечерва на полноќ, траејќи вкупно 30 часа.
Воените аналитичари сметаат дека постојат три главни причини поради кои Путин се одлучил на ваков чекор. Една од нив, според нив, е стравот од американскиот претседател Доналд Трамп.
„Трамп му нуди на Путин можност Русија да се врати од изолација — да се врати во Г8, да нема членка на НАТО во своето соседство и да биде ослободена од санкциите. Мислам дека Путин се плаши дека Трамп може да ја повлече таа понуда, бидејќи американскиот претседател е прилично непредвидлив. Токму поради тоа, лесно може да се сврти на страната на Украина, што воопшто не би било добро за Русија“, изјави аналитичарот Шон Бел.