Голема трагедија се случи во српскиот град Лесковац, каде група тинејџери со метални шипки нападнале врсник и го претепале до смрт. Згрижувачот на тинејџерот (17), кој денеска им подлегна на повредите откако го претепаа двајца негови врсници, е скршен од болка.
По несреќата тој дал изјава во полиција и рекол дека детето мирно како и секој ден се враќало од училиште.
-Никого не допрел, мирно се враќал дома по рутата по која секојдневно оди од училиште, рекол згрижувачот на момчето, видно потресен и во шок.
Семејство во солзи
Семејството кое се грижело за убиениот тинејџер не може да ја сокрие тагата поради овој трагичен настан.Згрижувачкиот родител на момчето потврдил дека момчето живее со нив од 2011 година, заедно со неговиот постар брат кој завршил средно училиште и се запишал на факултет.Убиениот млад човек е од Лесковац и има полубрат, бидејќи мајка му се премажила. Татко му починал одамна, а на мајка му законски и’ е одземено старателството поради грубо запоставување на детето.
– Двајцата браќа се прекрасни деца, велат старателите.
Тинејџер (17) кој денеска беше брутално претепан од млади момчиња им подлегна на повредите во Ургентниот центар во Лесковац, пријавено е дека лекарите не успеале да го реанимираат. Неколку часа по нападот на момчето кое им подлегна на повредите, полицијата уапси тинејџер (18) и малолетник (15), кои се осомничени за нападот.