Милијардерот Џеф Безос им се заблагодари на вработените и клиентите на Амазон што платиле за неговото прво патување во вселената – но неговите коментари предизвикаа критики од политичарите и познатите личности, пренесува Скај Њуз.
За време на прес-конференцијата по неговиот лет во вселената со вселенското летало „Њу Шепард“ на „Блу Ориџин“, Безос рече: „Исто така, сакам да им се заблагодарам на секој работник во Амазон и на секој клиент, затоа што вие плативте за сето ова“.
Критичарите наскоро истакнаа дека работниците во Амазон се жалат на лоши услови за работа, долги смени и ниски плати, притоа обвинувајќи го основачот на компанијата дека не плаќа добар дел од данокот.
„Да, работниците од Амазон платија за тоа – пониски плати, распад на синдикатите, нехумани работни места и добавувачи кои немаат здравствено осигурување за време на пандемија. „лиентите на Амазон плаќаат за тоа со користење на моќта на Амазон за да им наштетат на малите бизниси“, напиша на Твитер американската амбасадорка Александрија Окасио-Кортез.
Yes, Amazon workers did pay for this – with lower wages, union busting, a frenzied and inhumane workplace, and delivery drivers not having health insurance during a pandemic.
And Amazon customers are paying for it with Amazon abusing their market power to hurt small business. https://t.co/7qMgpe8u0M
— Alexandria Ocasio-Cortez (@AOC) July 20, 2021
Сенаторката Елизабет Ворен го обвини основачот на Амазон, кој неодамна се повлече од функцијата извршен директор, дека не плаќа данок, повикувајќи се на „данок на богатство“.
„Џеф Безос заборави да им се заблагодари на сите вредни Американци кои всушност плаќаа данок за одржување на оваа земја, додека тој и Амазон не платија ништо“, рече таа, пренесува „Скај Њуз“.
„Јас сум за три измени во нашите даночни закони, за да милијардерите и мега-корпорациите започнат праведно да го плаќаат својот дел“.
Jeff Bezos forgot to thank all the hardworking Americans who actually paid taxes to keep this country running while he and Amazon paid nothing. https://t.co/tjOeCWbUA8
— Elizabeth Warren (@ewarren) July 20, 2021
Безос беше критикуван и од политичари надвор од САД, а лидерот на канадската Нова демократска партија ги повика „ултрабогатите да го плаќаат својот дел од даноците“.
„Дејли шоу“, чиј домаќин е комичарот Тревор Ноа, ги истакна работните услови на работниците во Амазон по летот на Безос.
„Безос беше во вселената пет минути – или како што е познато во магацинот Амазон, вашето време за пауза за време на 16-часовната смена“, рекоа тие.
Според непрофитната истражувачка новинарска организација „Пропублика“, Безос не платил данок на доход во 2007 и 2011 година.