Џастин Бибер ќе мора да паузира, а светската турнеја, која веќе еднаш беше одложена, привремено е прекината. Пејачот излезе со соопштение и откри дека се работи за здравствени проблеми.
– На почетокот на оваа година јавно зборував за мојата борба со синдромот Рамзи-Хант. Како резултат на оваа болест, не можев да ја завршам северноамериканската турнеја. По одморот и консултациите со моите лекари, семејството и тимот, отидов во Европа за да се обидам да ја продолжам турнејата. Имав шест концерти, но болеста ме погоди. Минатиот викенд настапив на фестивалот „Rock In Rio“ и им дадов се на луѓето од Бразил.
Кога се симнав од сцената, ме обзеде замор и сфатив дека здравјето сега треба да ми биде приоритет. Ќе паузирам од турнејата, ќе бидам добро, но треба да се одморам и да се опоравам. Горд сум што го направив ова шоу и испратив порака до светот. Ви благодарам за вашите молитви и поддршка низ она низ што поминувам. Ве сакам сите страсно“, напиша Џастин Бибер на Инстаграм.
Турнејата на Бибер веќе беше одложена на почетокот на оваа година бидејќи пејачот и членовите на неговиот тим беа позитивни на Ковид-19, поради што светската турнеја конечно започна во март.
До март 2023 година, тој имаше закажани 70 концерти во Јужна Америка, Азија, Австралија, Нов Зеланд и Европа.