Кога Волстрит ги штити криптовалутите, секогаш станува збор за придобивките од диверзификацијата. Меѓутоа, кога пазарите ќе тргнат на полошо, биткоинот има непријатна навика да биде повлечен од распродажбите, истакнува Блумберг во својата статија.
Во понеделникот, цената на биткоинот падна и до 11% во услови на опаѓање на капиталните пазари поради загриженоста за кинескиот гигант за недвижности Evergrande Group. Анализата на врската покажува дека американските акции и биткоинот се движат повеќе во дует, при што врската помеѓу двете класи на средства е најсилна во последнава година.
Едно објаснување е дека биткоинот е едноставно непостојана инвестиција. Ова значи дека кога инвеститорите почнуваат да го ограничуваат ризикот во нивното портфолио, почнуваат да се разделуваат со криптовалути.
Сегашните настани, што потенцијално би можеле да произведат големи вести, објаснува зошто биткоинот и акциите се потесно врзани, изјави Виџај Ајар, шеф на крипто-берзата Luno. Според него, постои одредена неизвесност на пазарите со претстојните разговори и состаноци за ограничување на стимулациите.
Според други аналитичари, биткоинот се почесто ќе ги повторува движењата со додавање и одземање ризик, бидејќи пристапот на професионалците до криптовалутите преку тргување со фјучерси и берзанско тргувани фондови, станува полесен. Во јули, кога S&P 500 потона повеќе од 2% за ден, биткоинот избриша околу 6% за два дена.
Академските истражувања покажуваат дека биткоинот може да работи за диверзифицирање на портфолиото. Студија на Универзитетот во Бат откри дека има корист за инвестициските портфолија од изложување на криптовалути.
Според други ентузијасти, нестабилноста се должи на фактот дека средството е премногу ново. Тие предвидуваат дека средството ќе добие пошироко прифаќање и дополнително институционален капитал, што ќе ја стабилизира цената и криптовалутата ќе се однесува повеќе како алтернативно средство за заштита на вредноста.
Движењето на биткоин зборува за тековната дебата за тоа што всушност е инвестицискиот аргумент зад криптовалутите – дали тие всушност се ризично средство, или рај, средство за спречување инфлација или симбол на шпекулативно изобилство.
Ставот дека биткоинот може да биде уште една опција за кешот и златото има големо влијание, без оглед на нестабилноста на пазарот. Минатата недела, милијардерот Реј Далио за CNBC изјави дека поседува биткоини, велејќи дека „вреди да се земат предвид сите алтернативи за готовината“.