Биткоинот падна на 61.091 евро

И покрај падот, Индексот на страв и алчност на „биткоин“ моментално е на 79, што е во категоријата „екстремна алчност“.

од Бети Божиноска

Откако минатата среда достигна рекордно високо ниво од 67.513 евра, „биткоинот“ доживеа остар пад на вредноста на 59.866 евра во саботата, а цената на еден токен изнесува 61.091 евра во моментот на пишување.

Овој пад аналитичарите го припишуваат на бранот ликвидации на „биткоин“ и други криптовалути, особено меѓу „китовите“, односно поединци и субјекти кои имаат акумулирано голем број токени.

Само во четвртокот беа ликвидирани криптовалути во вредност од 752 милиони долари, најголемото еднодневно повлекување од мај 2023 година, според податоците на Into The Block.

Друга причина за падот на вредноста на „биткоинот“ е неочекуваниот пораст на инфлацијата во САД и затоа се очекува претседателот на Американската централна банка, Џером Пауел, по средбата со своите колеги во среда да ги задржи каматните стапки на нивното сегашно ниво.

Сепак, Индексот на страв и алчност (Fear and Greed Index)врзан за „биткоин“ денес изнесува 79, што е во категоријата „екстремна алчност“, и значи дека инвеститорите продолжуваат да бидат оптимисти за понатамошниот раст на „биткоин“.

Слични содржини