Се ближи моментот кога BMW ќе го претстави својот нов електричен i3, базиран на нова електрична платформа. Сега BMW објави фотографии од тестирање, некаде во северна Европа, кои уште појасно ги најавуваат линиите на новиот седан.
Првото нешто што привлекува внимание е новата структура на предната решетка и фаровите интегрирани во големите бубрези на BMW. И покрај камуфлажата, може да се забележи спортска линија, која се издвојува од, на пример, кинеската конкуренција.
BMW не објави фотографии од внатрешноста на овие прототипови, но може да се претпостави дека тие ќе имаат двоен инфозабавен систем, речиси низ целата ширина на возилото, под шофершајбната и класичен голем екран на централната конзола. BMW веќе го демонстрираше овој систем.
Првиот BMW на платформата Neue Klasse од 800 волти ќе започне да се произведува во август и ќе биде SUV (iX3). Седанот i3 ќе следи во 2026 година, но претпродукцијата се очекува да започне во фабриката во Минхен подоцна оваа година.