Во најновата изјава за германските медиуми, првиот човек на BMW, Оливер Зипсе, ја објасни одлуката на баварската компанија која во блиска иднина нема да престане со производство на бензински и дизел мотори.
59-годишниот шеф на баварската автомобилска компанија потврди дека BMW дефинитивно не е меѓу се поголемиот број компании кои веќе најавија дека во блиска иднина ќе се откажат од моторите со внатрешно согорување, бидејќи Оливер Зипсe тврди дека е премногу рано да се донесе таква одлука.
Во изјава за Frankfurter Allgemeine Zeitung (FAZ), Зипсе нагласи дека во BMW, покрај постоечката гама на модели кои се напојуваат само со електрична енергија, напорно работат и на решенија кои ќе ги одржат во живот конвенционалните мотори, бидејќи не е реално 1,4 милијарди постоечки автомобили со конвенционално возење во догледна иднина да бидат заменети со автомобили напојувани само со електрична енергија.
Притоа нагласувајќи дека процесот на производство на електрични автомобили е далеку од еколошки, Зипсе се осврна и на моменталните цени на електричните автомобили, кои сепак се значително повисоки од цените на конвенционалните опции, кои доколку е објавена забраната за производство на автомобили со мотори со внатрешно согорување, би можеле да ги принудат сегашните сопственици да ги користат своите автомобили на бензин и дизел многу подолго од планираното, бидејќи нема да можат да си дозволат електричен автомобил. На крајот, тој ги спомена и евидентните проблеми во многу делови од светот во однос на недоволно развиената инфраструктура за полнење батерии.
Податоците велат дека 15 отсто од вкупното производство на BMW во годината што ќе заврши се електрични автомобили. Во Минхен предвидуваат дека до крајот на деценијата секој втор автомобил BMW ќе се движи само од електрична енергија, а времето ќе покаже дали почетокот на следната деценија ќе биде крај за производството на автомобили со мотори со внатрешно согорување како што претходно најавија многу европски автомобилски компании.