Боинг плаќа казна од 6,6 милиони долари

Федералната администрација за воздухопловство на САД (ФАА) објави дека компанијата „Боинг“ се согласила да плати 6,6 милиони долари казни откако воздухопловниот регулатор утврдил дека не го почитува договорот за безбедност од 2015 година.

Казните вклучуваат 5,4 милиони долари за непочитување на договорот во кој Боинг се обврза да ги менува своите внатрешни процеси со цел да се подобри и да се даде приоритет на усогласеност со прописите и 1,21 милиони долари во уште два случаи, пренесува Ројтерс

„Боинг не ги исполни сите свои обврски од договорот за спогодба, врз основа на кој ФАА вклучи дополнителни казни ”, рече администраторот на ФАА, Стив Диксон.

Немало коментари од Боинг, кој плати 12 милиони долари во 2015 година, како дел од спогодбата.