Премиерот на Велика Британија, Борис Џонсон, ќе ја прекине кампањата пред изборите во мај, во знак на почит кон покојниот принц Филип и кралското семејство.
Џонсон попладнево одлучи да ја прекине кампањата на неговата партија, а многу политички партии ширум Велика Британија се согласија со него, кои ќе прекинат со кампањските активности, со цел да покажат почит кон принцот Филип и кралицата Елизабета.
Премиерот бил информиран за смртта на војводата додека работел во неговата канцеларија, а веднаш потоа го повикал лидерот на Лабуристичката партија, за да добие поддршка за пауза во кампањата.
Парламентот во моментов е на пауза поради Велигден и ќе започне со работа еден ден порано од предвиденото, за да можат пратениците да му оддадат почит на војводата.
На министрите во владата на Џонсон им е наредено да ги откажат интервјуата и гостувањата во медиуми и тие нема да се појавуваат на редовните политички емисии во наредните денови.
Во Велика Британија е прогласена осумдневна жалост, а граѓаните оставаат цвеќиња пред замокот Виндзор цел ден, во чест на починатиот принц.
По негово барање, погребот ќе биде извршен во кругот на семејството и без присуство на јавноста, објавија денеска британските медиуми.
My statement on the death of HRH The Prince Philip, Duke of Edinburgh. pic.twitter.com/cjlSsERXPV
— Boris Johnson (@BorisJohnson) April 9, 2021