„Ако имавме повеќе од 80 пратеници, ќе им кажевме на нашите гласачи дека ќе има Влада. Но, ние немаме“, истакна Борисов.
Го отфрли и предлогот за експертска Влада.
„Ова е глупост, кај нас сите се експерти“, рече Борисов за предлогот за експертска влада.
Вакавата сотојба според него прави Бугарија да нема државни институции.
„Државата нема институции, нема државна политика. Не можеме ни да формираме комисии во Народното собрание. А проблемите се наследени“, истакна Борисов.
Актуелната ситуација го попречува и напредокот на Бугарија кон влезот во еврозоната.
– Што се однесува до еврозоната, за време на нашата администрација Бугарија влезе во Европската банкарска унија, односно техничко усвојување на еврото. Потоа влеговме во чекалната на еврозоната, но тие решија да почнат со протестите. Нема евро. Следеше монструозна инфлација, истакна Борисов.