Бошко Обрадовиќ поднесе оставка од функцијата претседател на Двери

Претседателот на движењето Двери, Бошко Обрадовиќ изјави дека утре поднесува оставка од лидерската функција.

Обрадовиќ, на денешната прес-конференција во просториите на Двери во Белград најави и поднесување приговори поради изборни нерегуларности.

„Прашањето за одговорност е поставено и пропустите на нашиот изборен штаб, а што се однесува до тоа, утре ќе одржам прес-конференција во штабот на Двери на која ќе го анализирам резултатот и ќе поднесам оставка како претседател на Двери. Не можете да имате лош резултат и да останете на чело на партијата. Тоа е морал, етика, време е да покажеме со сопствен пример“, изјави Обрадовиќ на N1.